భారీ బడ్జెట్ తో తెరకెక్కుతున్న ప్రతిష్ఠాత్మక చిత్రం బాహుబలి... చిత్రీకరణ పూర్తిచేసుకుని పోస్ట్ ప్రొడక్షన్ కార్యక్రమాల్లో బిజీగా ఉంది. మే-15న ఈ సినిమా విడుదల కాబోతోందని స్వయంగా రాజమౌళి ప్రకటించడంతో.... బాహుబలిని సిల్వర్ స్క్రీన్ పై చూసేందుకు ఉవ్విళ్లూరుతున్నారు సినీ ప్రేక్షకులు. ఇదిలా ఉంటే... భారీ అంచనాలు నెలకొనడంతో... ఈ సినిమా బిజినెస్ పరంగానూ సంచలనాలు సృష్టిస్తోంది. తాజాగా బాహుబలి శాటిలైట్ రైట్స్.. భారీ మొత్తం పలకడమే ఇందుకు నిదర్శనం. బాహుబలి రెండు భాగాల శాటిలైట్ రైట్స్ కు... దాదాపు 18కోట్లకు మాటీవీ నుంచి ఆఫర్ వచ్చినట్టు సమాచారం. కాస్త అటు ఇటుగా ఈ డీల్ ఓకే అయ్యే అవకాశాలు కన్పిస్తున్నాయి. ప్రస్తుతం తెలుగులో పవన్ కళ్యాణ్, మహేశ్ బాబు వంటి టాప్ స్టార్స్ సినిమాలు మాత్రమే తొమ్మిది కోట్ల శాటిలైట్ రైట్స్ పలుకుతున్నాయి. బాహుబలి సిరీస్ కు 18 కోట్లు అంటే.. ఒక్కో సినిమాకు 9 కోట్లు చెల్లిస్తున్నట్టే. ఈ లెక్కన ప్రభాస్ క్రేజ్... ఆ ఇద్దరు స్టార్ హీరోల రేంజ్ కు చేరుకున్నట్టేననే అంచనాలు మొదలయ్యాయి. అయితే ఈ సినిమాకు ఇంతటి క్రేజ్ రావడం వెనుక రాజమౌళి హస్తం ఎంతయినా ఉంది. అయితే ప్రభాస్ కెరీర్ ను మలుపు తిప్పే సినిమాగా మాత్రం బాహుబలికి ప్రత్యేక స్థానం ఉంది. తెలుగు, తమిళ్ తో పాటు ఇతర భాషల్లోనూ విడుదల కానున్న ఈ సినిమాతో... ప్రభాస్ మార్కెట్ కూడా పెరిగే అవకాశాలున్నాయి. సో... ఎలా చూసినా కెరీర్ లో... ప్రభాస్ రేంజ్ ను పెంచే సినిమా కానుంది బాహుబలి. మరి ఈ ఛాన్స్ ను యుటిలైజ్ చేసుకుని.. ప్రభాస్ ఏ రేంజ్ టాప్ స్టార్ గా ఎదుగుతాడో చూడాలి.
Cras justo odio, dapibus ac facilisis in, egestas eget quam. Curabitur blandit tempus porttitor. Vivamus sagittis lacus vel augue laoreet rutrum faucibus dolor auctor.
0 comments:
Post a Comment